HISTORIA BADAK KONA BA FOEMOCHO
Foemocho ho nia naran apar mak Pa’a Poru, Foe ne’e katak du’ut ou Hailuan ida, moko ne’e katak ki’ik, nune’e ba Pa’a Poru ne’e katak MUA PORO no VARI PORO, nia siknifika katak haleu rai ne’e.
Iha tempu uluk Be’e ala sira sama rai Timor, sira nain Hitu, Feto mesak no mane nain ne’en no nia apa mai hamutuk mai iha area ponta costa leste nian, nia maun alin sira no nia apa mai hamutuk uluk tiha ona.
Hafoin Mane Ikun ho nia Knua Foemocho ida ne’e tuir sira, iha momentu ne’eba nia la iha ro’o atu sae hodi hakur tasi sorin mai Timor, hafoin milagre ida mosu ba nia, mak Kadeli Emas ida mosu ba nia, nia mak hatudu dalan, aitonka ida mosu ba nia, hodi usa baku ba tasi, hafoin tasi maran nia hakur tasi sorin mai timor.
Nune’e mos teki teki manu ida mosu mai hodi hatudu dalan ba nia, manu ne’e mak semo uluk hafin, kadeli koalia tuir katak Naí Liu Rai, la’o tuir Manu nia ain fatin, Hafoin nia katak iha dalan une’e (TORU CAL A’A IRA PALI PALISE PO, ANIRA’A CALA’A TITIL UPEN TITILARI RATU HAINI SO’O HAI RATU HAINI ).
Katak ema nia avo sira nani tasi ka be’e maibe hau nia be’ela sira lae mai tasi ho be’e maran hotu hodi liu mai, tamba ne’e hau eme ne’e Hau LIU RAI, (REI BERE), Nune’e iha knua mane ikun ida ne’e hanesan ema Rey ida ne’ebe matenek, hare ema diak hotu iha fatin hotu-hotu.
EZISTENSIA
Iha tinan 2015 to’o mai iha 2016, iha tempu ne’eba centru ita hanaran BEP, katak Building Educations Program, hau ho kolega nain rua mak ahri’I, hafoin mai iha tina 2017, hau mesak ona komu estudante hahu aumenta, kolega nain rua ne’e komesa hado’ok oituan tamba estudante minimu nune’e mos osan la iha, iha momentu ne’eba hau hanoin diak liu mak hau tau hau nia Knua Foemocho ba, atu nune’e hau bele reflete ou valorize hau nia knua sai identidade principal ida baa mi gerasaun foun Latu-Loho husi Knua Foemocho.
Ezistensia ba sentru ne’e hamrik tamba hau hare ba pasadu durante 12 anus ita hotu aprende maibe kada ves mais ulnus barak mak la koalia ho lian portuguesa ou inglesa diak, ne’e motiva tebes hau atu loke iha momentu ne’e to’o mai ohin loron.
Dezenvolvimentu presiza tebes involvimentu direta no indireta husi entidades tomak iha Timor-Leste inklui individu, grupu no organizasaun la’os atu hein governu nian, maibe nu’udar timor oan, hodi kolabora no sai parseiru ba instituisaun estadu hodi servi povu no ba ita nia nasaun Timor-Leste.
Ho responsabilidade ne’ebe iha, individu hirak ne’ebe iha hanoin no hakarak hanesan hodi kontribui ba prosesu dezenvolvimentu Timor-Leste hamutuk, liu husi forma ida ho naran Foemocho Training Centre FTC no East Timor Blossom Associations ETBA, Objetivu hari’i ONG ida ne’e mak hakarak hakbi’it hodi fo kapasitasaun ba juventude sira iha Timor-Leste laran tomak, liu husi formasaun area Edukasaun hanesan Lingua Português, Ingles, Informatika no administrasaun, area Lideransa, area siensia naturais no kursu jornalismu, hodi forma sidadaun ne’ebe mak kualidade ho professional, atu domina teknologia ira era globalizasaun nian, entermus rekursu umanu atu partisipa iha prosesu dezenvolvimentu tomak iha ita nia rai doben Timor-Leste.
TEMPU
Foemoco Training Centre (FTC), hari’i iha loron Kuarta – Feira, 13 fulan Julu, iha tinan 2017, no nia tempu la determina.
Vizaun no Misaun
Visaun
Foemocho Training Center, nia iha visaun katak atu hare ba futuru hodi forma jovens dignus no konfiansa ho kapasidade atu desenvolve siensia teknologia, Arte no kultura liu-liu iha area lian Português, Ingles, Informatika, area lideransa no mos area siensia naturais nian, ba ita nia rai doben Timor-Leste.
Misaun
Foemocho Training Centre, ho nia-nia missaun katak:
Prepara rekursus humanus atu dezenvolve iha area línguitiku no teknologia Timor-Leste.
Atu hasa’e kapasidade rekursus humanus ou liu-liu ba juventude ne’ebe mak estuda kona ba area lian Português, Ingles, Informatika no administrasaun, area lideransa, area siensia naturais no kursu jornalismu.
Objetivu
Fo oportunidade ba ema hotu atu kapasita no hakbi’it a’an, sai sidadaun sivilizadu ne’ebe pro ativu, inovativu, transformativu, no progresivu hodi valoriza no respeita prinsipiu demokrasia, pas, justisa no direitus umanus iha prosesu dezenvolvimentu.